Nyu-York çimərliyində köpək balığının hücumuna məruz qalan qadın ağır vəziyyətdə xəstəxanaya aparılıb.
Ucnoqta.az xəbər evrir ki, bu barədə şəhər polisi və Parklar və İstirahət Departamentinə istinadən NBC kanalı məlumat yayıb.
Məlumata görə, köpəkbalığı Rockaway Beach sahillərində 50 yaşlı qadının ayağını dişləyib. Zərərçəkmiş dərhal Yamayka Xəstəxanasının Tibb Mərkəzinə aparılıb.
Polis istirahət edənlərə çimərliyi tərk etməyi əmr edib. Köpək balığının axtarışı helikopterdən aparılsa da, uğursuz alınıb.