Ronaldo koronavirusa yoluxub
22:15 - 2 Yanvar 2022 - MARAQLI
Futbol üzrə ikiqat dünya çempionu, həmçinin Braziliyanın “Kruzeyro” və İspaniyanın “Valyadolid” klublarının prezidenti Ronaldo koronavirusa yoluxub.
“Report” xəbər verir ki, bu barədə “Kruzeyro”nun mətbuat xidməti məlumat yayıb.
O, xəstəliyi səbəbindən klubun ad gününə həsr olunmuş tədbirlərdə iştirak etməyəcək. Yanvarın 2-də "Kruzeyro"nun 101 yaşı tamam olub.
Qeyd edilir ki, Ronaldo özünü təcrid edib, o özünü yaxşı hiss edir. Futbol üzrə ikiqat dünya çempionu xəstəliyi yüngül keçirir, onda COVID-19-un yüngül əlamətləri müşahidə edilir.