Marketlərdə, iri ticarət mərkəzlərində də “BakıKart” balansını artırmaq mümkün olacaq.
Ucnoqta.az xəbər verir ki, bu barədə Bakı Nəqliyyat Agentliyindən məlumat verilib.
"Sərnişinlərin “BakıKart”-ın balansını avtobus dayanacaq məntəqəsindən kənarda da artıra bilməsi üçün tədbirlər davam etdirilir. Bu çərçivədə “BakıKart” sisteminə inteqrasiya olunan “MilliÖn” ödəmə terminallarının sayı da artırılaraq 1354-ə çatdırılıb. Əlavə olaraq daha 62 terminalın da inteqrasiyası üçün iş aparılır. Bununla sərnişinlər artıq yalnız avtobus dayanacaq məntəqələrində deyil, Bakı şəhərinin müxtəlif ərazilərində fəaliyyət göstərən iaşə obyektlərində, iri ticarət mərkəzlərində və marketlərdə yerləşdirilən “MilliÖn” terminalları vasitəsilə də “BakıKartın” balansını artıra biləcəklər", -deyə məlumatda qeyd olunub.