Sumqayıt sakini bədbəxt hadisə nəticəsində ölüb. APA-nın məlumatına görə, hadisə şəhərin "Stansiya Sumqayıt" yaşayış massivində qeydə alınıb. Belə ki, ərazidə inşa edilən hündürmərtəbəli binada fəhlə işləyən, 1993-cü il təvəllüdlü Hüseynov Savalan İmamverdi oğlu ehtiyatsızlıqdan yıxılıb. Ağır bədən xəsarətləri alan S. Hüseynov xəstəxanaya aparılarkən yolda dünyasını dəyişib. Faktla bağlı araşdırma aparılır.