{"id":36759,"date":"2016-08-29T15:46:13","date_gmt":"2016-08-29T11:46:13","guid":{"rendered":""},"modified":"-0001-11-30T00:00:00","modified_gmt":"-0001-11-29T20:00:00","slug":"","status":"publish","type":"post","link":"https:\/\/ucnoqta.az\/?p=36759","title":{"rendered":"Avtomobill\u0259rin qiym\u0259ti niy\u0259 2-5 min manat bahala\u015f\u0131b? \u2013 V\u0130DEO<\/font><\/b>"},"content":{"rendered":"

Badamdar q\u0259s\u0259b\u0259sind\u0259 yerl\u0259\u015f\u0259n avtomobil bazar\u0131nda dur\u011funluq mü\u015fahid\u0259 olunur. Bazarda h\u0259m al\u0131c\u0131, h\u0259m  d\u0259 ma\u015f\u0131n q\u0131tl\u0131\u011f\u0131 ya\u015fan\u0131r. Yay mövsümü il\u0259 \u0259laq\u0259dar istirah\u0259t\u0259 ged\u0259nl\u0259rin artmas\u0131 v\u0259 mövcud iqtisadi durum avtomobil\u0259 mara\u011f\u0131 k\u0259skin azald\u0131b. Ölk\u0259y\u0259 xaricd\u0259n ikinci \u0259l avtomobil g\u0259tirilm\u0259m\u0259si yerli bazarda qiym\u0259tl\u0259rin artmas\u0131na t\u0259sir göst\u0259rib. Bunu ma\u015f\u0131n almaq m\u0259qs\u0259di il\u0259 bazara g\u0259l\u0259n al\u0131c\u0131lar da deyir. Ucnoqta.az lenta.az-a istinad\u0259n x\u0259b\u0259r verir ki, "köhn\u0259 avtomobill\u0259rin qiym\u0259tind\u0259 art\u0131m var. Buna gör\u0259 d\u0259 ma\u015f\u0131n bazar\u0131nda al\u0131c\u0131 q\u0131tl\u0131\u011f\u0131d\u0131r. Amma seçim etm\u0259k üçün ma\u015f\u0131n da yoxdur. Avtomobill\u0259rin say\u0131 k\u0259skin \u015f\u0259kild\u0259 azd\u0131r".<\/span><\/p>\n

"Mitsubishi" markal\u0131 avtomobil axtar\u0131ram, dem\u0259k olar ki yoxdur. \u0130\u015fl\u0259nmi\u015f avtomobill\u0259rin qiym\u0259ti markas\u0131ndan as\u0131l\u0131 olaraq 1000-2000 min manat bahala\u015f\u0131b".
\nH\u0259msöhb\u0259timiz olan dig\u0259r bir al\u0131c\u0131 is\u0259 "Mercedes" markal\u0131 avtomobil almaq ist\u0259yir. Amma qiym\u0259t art\u0131m\u0131ndan \u015fikay\u0259tçidir. "Bazarda ma\u015f\u0131nlar\u0131n say\u0131  azal\u0131b, qiym\u0259t d\u0259 cibim\u0259 uy\u011fun deyil. 9-10 min manata ala bil\u0259r\u0259m, amma bazara gör\u0259 çox bahad\u0131r".
\nSat\u0131c\u0131lar da \u0259vv\u0259lki aylarla müqayis\u0259d\u0259 qiym\u0259t art\u0131m\u0131n oldu\u011funu deyirl\u0259r.
\n"2001-ci ilin ma\u015f\u0131n\u0131d\u0131r. "Mercedes"dir. Qiym\u0259ti 8.500 manat, alan olsa, endirim d\u0259 ed\u0259r\u0259m. Amma h\u0259l\u0259lik yaln\u0131z maraqlan\u0131rlar".
\n"Ford-Custom" 2014-cü ilin ma\u015f\u0131n\u0131d\u0131r. Öz ma\u015f\u0131n\u0131md\u0131r. Türkiy\u0259d\u0259 istehsal olunsa da, amerikan markas\u0131d\u0131r. 31 min 700 manata alm\u0131\u015fam. 700 manat is\u0259 nömr\u0259sin\u0259 vermi\u015fdim. \u0130ndi 26 min manata bazara ç\u0131xarm\u0131\u015fam. Bazarda al\u0131c\u0131l\u0131q qabiliyy\u0259ti çox a\u015fa\u011f\u0131 oldu\u011fundan ucuz qiym\u0259t\u0259 sat\u0131ram. Pul yoxdur al\u0131c\u0131larda. Avtomobil saz v\u0259ziyy\u0259td\u0259dir. C\u0259mi 7500 km yol sürmü\u015f\u0259m. Bir ildir ki, istifad\u0259 edir\u0259m. \u018fsl ail\u0259 ma\u015f\u0131n\u0131d\u0131r".
\nAvtomobil sat\u0131c\u0131lar\u0131 h\u0259ft\u0259nin dig\u0259r günl\u0259rind\u0259n f\u0259rqli olaraq yaln\u0131z  bazar günü ma\u015f\u0131n bazar\u0131nda canlanma oldu\u011funu deyirl\u0259r. Sat\u0131c\u0131s\u0131 Sübhan \u018fliyev  bildirib ki, \u0259g\u0259r iki ay \u0259vv\u0259l ayda 3-4  ma\u015f\u0131n satmaq mümkün idis\u0259, indi bu say 1-2-y\u0259 enib.  Bazarda bo\u015fluq \u0259h\u0259miyy\u0259tli d\u0259r\u0259c\u0259d\u0259 hiss olunur, sat\u0131c\u0131lar\u0131n say\u0131 al\u0131c\u0131lar\u0131n say\u0131ndan çoxdur.
\nQiym\u0259tl\u0259r\u0259 g\u0259linc\u0259,  b\u0259zi modell\u0259rd\u0259 qiym\u0259t f\u0259rqi h\u0259tta 16 min manata kimi yüks\u0259lib. M\u0259s\u0259l\u0259n, \u0259vv\u0259l 27 min manata t\u0259klif edil\u0259n  “Hyundai Santa Fe” haz\u0131rda 27 min dollara sat\u0131l\u0131r. 32 min dollarl\u0131q 2016-c\u0131 il model “Toyota Rav4” ma\u015f\u0131n\u0131n\u0131n sat\u0131\u015f qiym\u0259ti t\u0259chizatdan as\u0131l\u0131 olaraq 34-37 min dollar aras\u0131nda d\u0259yi\u015fir.  “Nissan X Trail” is\u0259 23-25 min dollardan 27 -30 min dollara kimi bahala\u015f\u0131b.
\n""BMW" v\u0259 "Mercedes" markal\u0131 i\u015fl\u0259nmi\u015f avtomobill\u0259r bazarda 7,8 -15 min manat aras\u0131 qiym\u0259t\u0259 sat\u0131l\u0131r. "BMW" 24 min dollar, " Volkswagen Pure" 15 min manat, "Mercedes" 12 min dollar, "LEXUS" v\u0259" Gelenvagen-Mersedes" 45  min  dollard\u0131r.
\nQiym\u0259ti 20 mind\u0259n baha olan avtomobill\u0259rin d\u0259 al\u0131c\u0131s\u0131 barmaqla say\u0131lacaq q\u0259d\u0259rdir.
\nSat\u0131c\u0131n\u0131n sözl\u0259rin\u0259 gör\u0259, al\u0131c\u0131 tap\u0131lmad\u0131\u011f\u0131ndan h\u0259tta avtomobill\u0259r bazardan ç\u0131xar\u0131l\u0131b dayanacaqlarda saxlan\u0131l\u0131r. Bununla bel\u0259 ikinci \u0259l avtomobill\u0259rin qiym\u0259tl\u0259ri d\u0259 bahala\u015f\u0131r.
\n\u0130stehsal tarixi 2006-2009-cu ill\u0259r olan “Mercedes E Class” modell\u0259rind\u0259 qiym\u0259t f\u0259rqi daha çoxdur. Bu avtomobill\u0259r 2-3 min manat bahala\u015f\u0131b. M\u0259s\u0259l\u0259n, bu avtomobilin 2006-c\u0131 ilin dizel müh\u0259rrikli versiyas\u0131 \u0259vv\u0259l 13-14 min manata sat\u0131l\u0131rd\u0131sa, indi qiym\u0259ti 16 min manata kimi art\u0131b. 18-19 min manatl\u0131q 2007-ci il model 3.5 l müh\u0259rrikli “Mercedes E Class” avtomobilini is\u0259 haz\u0131rda 22 min manata almaq olar. Eyni  qiym\u0259t f\u0259rqi 2008-2009-cu il model “Hyundai” avtomobill\u0259rin\u0259 d\u0259 aid etm\u0259k olar. M\u0259s\u0259l\u0259n, “Hyundai Santa Fe” 13-14 min manatdan 15-16 min manata kimi bahala\u015f\u0131b.
\nAvtomobil sat\u0131c\u0131lar\u0131 bildirirl\u0259r ki, haz\u0131rda bazarda daha çox sat\u0131lan istehsal tarixi 2005-ci il\u0259 kimi olan "Mercedes" avtomobill\u0259ri, 2008-ci ild\u0259n yuxar\u0131 olan "Hyundai", "K\u0130A", "Toyota", "Nissan" avtomobill\u0259ri daha çox bahala\u015f\u0131b.
\n"Avtomobil bazar\u0131nda al\u0131c\u0131 q\u0131tl\u0131\u011f\u0131 ya\u015fan\u0131r. Al\u0131c\u0131lar qiym\u0259t art\u0131m\u0131ndan, sat\u0131c\u0131lar is\u0259 al\u0131c\u0131 q\u0131tl\u0131\u011f\u0131ndan \u015fikay\u0259tl\u0259nirl\u0259r. Gördüyünüz bu avtomobil " Toyota Land Cruise" bazara 30 min dollara ç\u0131xar\u0131l\u0131b. 2002-ci ilin ma\u015f\u0131n\u0131d\u0131r. Bazara ikinci d\u0259f\u0259 ç\u0131xar\u0131lmas\u0131na baxmayaraq, h\u0259l\u0259 d\u0259 al\u0131c\u0131s\u0131n\u0131n yolunu gözl\u0259yir".
\nBundan ba\u015fqa "Hyundai" avtomobill\u0259ri aras\u0131nda daha çox sat\u0131lanlardan "Accent", "Elantra" v\u0259 "ix35" modell\u0259ri bahala\u015f\u0131b. M\u0259s\u0259l\u0259n, \u0259vv\u0259l 15 min manata sat\u0131lan "Elantra" indi 16-18 min manata, 20 min manata sat\u0131lan 2014-cü il model "ix35" avtomobili is\u0259 22-24 min manata sat\u0131l\u0131r.
\n"Toyota" avtomobill\u0259rind\u0259n is\u0259 daha çox "Prado" modell\u0259ri bahala\u015f\u0131b. M\u0259s\u0259l\u0259n, bir neç\u0259 ay \u0259vv\u0259l sat\u0131lmad\u0131\u011f\u0131na gör\u0259 qiym\u0259tl\u0259ri ucuzla\u015fan 2.7 müh\u0259rrikli 2008-ci il model "Prado" ma\u015f\u0131n\u0131 16 min manatdan 20  min, h\u0259tta 25  min manata kimi bahala\u015f\u0131b.
\nBu h\u0259ft\u0259 bazara "Audi Q7" tipli bahal\u0131 markalar ç\u0131xar\u0131lmay\u0131b.
\n“Mercedes”l\u0259 yana\u015f\u0131,  “Lada” v\u0259 “Opel”l\u0259rin d\u0259 qiym\u0259ti art\u0131b. Bel\u0259 ki, \u0259vv\u0259l 4300 manata sat\u0131lan 2011-2012-ci ill\u0259r\u0259 aid “Lada 21012” v\u0259 “Lada 21015” avtomobill\u0259ri 4800-5200 manata kimi bahala\u015f\u0131b. “Vaz 2107”in qiym\u0259ti 500-700 manat art\u0131b. M\u0259s\u0259l\u0259n, \u0259vv\u0259l 3300 manata olan ma\u015f\u0131n 3800-4000 manata t\u0259klif edilir. “Opel Astra” modell\u0259rinin qiym\u0259tind\u0259 500-700 manat art\u0131m mü\u015fahid\u0259 olunur. 2001-2002-ci il “Opel” modell\u0259ri 3300-3500 manatdan 4000-4300 manata kimi bahala\u015f\u0131b. Rus avtomobill\u0259rinin qiym\u0259tind\u0259 d\u0259 art\u0131m mü\u015fahid\u0259 edilir.
\n"Bazara sovet ba\u015f\u0131n\u0131 ç\u0131xarm\u0131\u015fam, " N\u0130VA". 8 min 500 manata. Art\u0131q ikinci h\u0259ft\u0259dir ki, sata bilmir\u0259m. \u018fvv\u0259lki aylarda sat\u0131\u015f bundan f\u0259rqli idi. \u0130ndi z\u0259ifdir. Sovet ma\u015f\u0131nlar\u0131n\u0131n qiym\u0259ti iki ay önc\u0259 500 manat a\u015fa\u011f\u0131 idi. Manat\u0131n m\u0259z\u0259nn\u0259si i\u015fl\u0259nmi\u015f sovet ma\u015f\u0131nlar\u0131n\u0131n qiym\u0259tin\u0259 d\u0259 t\u0259sir edib".
\nH\u0259msöhb\u0259timiz olan h\u0259m al\u0131c\u0131lar, h\u0259m d\u0259 sat\u0131c\u0131lar deyir ki,  bazara yeni avtomobil ç\u0131xar\u0131lmas\u0131n\u0131n ba\u015fqa bir s\u0259b\u0259bi d\u0259 var. Art\u0131q h\u0259r k\u0259s ma\u015f\u0131nlar\u0131n qiym\u0259tini bazardan deyil, elektron ticar\u0259t portallar\u0131ndan öyr\u0259nm\u0259y\u0259 üstünlük verir. Saytlarda qiym\u0259tl\u0259rl\u0259 tan\u0131\u015f olmaq, müqayis\u0259 aparmaq, sat\u0131c\u0131 il\u0259 sövd\u0259l\u0259\u015fm\u0259k daha rahat oldu\u011fundan art\u0131q heç k\u0259s ma\u015f\u0131n almaq üçün bazara getm\u0259k ist\u0259mir.<\/p>\n