Bundesrat (federal ştatların palatası) Bundestaqdan (Almaniya parlamenti) sonra Almaniyada hərbi xidmətin yeni modeli haqqında qanun layihəsini təsdiqləyib.
Ucnoqta.az bildirir ki, DPA xəbər verir.
Agentliyin məlumatına görə, qanun 1 yanvar 2026-cı ildə qüvvəyə minəcək. Beləliklə, Almaniya Bundesverin (Almaniya Silahlı Qüvvələri) sayını kəskin şəkildə artırmaq üçün faktiki olaraq məcburi çağırışın bəzi elementlərinə qayıdır.
5 dekabrda Bundestaq Almaniyada hərbi xidmətin yeni modeli haqqında qanun qəbul etdi. Almaniyanın müdafiə naziri Boris Pistorius tərəfindən təklif edilən qanun layihəsi gənc kişilərin tibbi müayinədən keçməsini və hərbi qeydiyyatı bərpa etməsini tələb edir. Potensial çağırışçılar fiziki hazırlıqları və Almaniya Silahlı Qüvvələrinə qoşulmağa hazırlıqları barədə sorğu anketləri alacaqlar. Kişilər sualları cavablandırmalı, qadınların iştirakı isə könüllüdür, çünki Almaniya Konstitusiyası qadınlar üçün məcburi hərbi xidmət nəzərdə tutmur.