Tailand Təhsil Nazirliyi ölkələr arasında artan sərhəd münaqişəsi səbəbindən Kamboca ilə həmsərhəd olan beş əyalətdə 641 məktəbin müvəqqəti bağlanması barədə əmr verib.
Ucnoqta.az xəbər verir ki, bu barədə "Khaosod" qəzeti məlumat yayıb.
Tailand təhsil naziri Naremon Phinyosinvat təhsil müəssisələrini ən vacib prioritet olan ciddi təhlükəsizlik tədbirləri tətbiq etməyə çağırıb.
O qeyd edib ki, sərhəd vəziyyəti yaxşılaşdıqdan sonra şagirdlərin və müəllimlərin məktəblərə qayıtması baş tutacaq.
Tailand Kral Ordusu sərhəddəki toqquşmalarda bir əsgərin öldüyünü və dörd nəfərin yaralandığını bildirib.