Konqresdə hazırlanmış ABŞ Müdafiə Nazirliyinin büdcə qanun layihəsi, Avropada yerləşən ABŞ qoşunlarının sayını 45 gündən çox müddətə 76.000-dən aşağı salmağı qadağan edir.
Ucnoqta.az xəbər verir ki, bu barədə bu həftə səsverməyə çıxarılacaq dərc olunmuş sənəddə bildirilir.
Qanun layihəsində bildirilir ki, hərbi liderlərə ABŞ Avropa Komandanlığının (EUCOM) yurisdiksiyası altında olan qoşunların sayını Müdafiə Naziri Pit Heqset və EUCOM komandanı Konqresə belə bir hərəkətin ABŞ-nin milli maraqlarına uyğun olduğunu təsdiqləyən hesabatlar təqdim edənə qədər 45 gündən çox müddətə 76.000-dən aşağı salmaq qadağandır.
Bundan əlavə, onlar əvvəlcə NATO müttəfiqləri ilə məsləhətləşməlidirlər.
Bundan əlavə, qanun layihəsi ABŞ hərbi bazalarının və daşınmaz əmlakının mülkiyyət hüququnun Avropa ölkələrinə verilməsini və ya digər şəkildə qaytarılmasını, eləcə də Avropadan 500.000 dollardan çox dəyəri olan hər hansı əmlakın yenidən yerləşdirilməsini qadağan edir.