Prezident Donald Tramp nə vaxtsa Ukraynada nizamlanmanın mümkünsüz olduğu qənaətinə gələ bilər, lakin hələlik Amerika lideri münaqişəni dayandırmaq üçün səy göstərir.
Ucnoqta.az xəbər verir ki, bunu ABŞ dövlət katibi Marko Rubio deyib.
"O bu münaqişəyə son qoymaq üçün mümkün olan hər şeyi etməyə çalışır. Biz Avropadakı tərəfdaşlarımızla təhlükəsizlik təminatları üzərində sıx işləyirik, çünki bu, istənilən danışıqlar yolu ilə həll üçün lazım olacaq. Və o, cəhd etməyə davam edəcək. O, bunun mümkün olduğuna inanır, buna nail olmaq istəyir.
Nə vaxtsa prezident bunun qeyri-mümkün olduğu qənaətinə gələ bilər.
Hələ o həddə çatmayıb, amma ola bilər. Ancaq bilirsiniz ki, o, həqiqətən lazım olan hər şeyi etməyə hazırdır. Bu müharibəni bitirməyin bir yolu var. O, sadəcə bunun bitməsini istəyir".