Almaniyanın “Condor” aviaşirkətinin Yunanıstanın Korfu adasından Düsseldorfa uçan təyyarəsi havaya qalxdıqdan dərhal sonra yanıb.
Ucnoqta.az xəbər verir ki, bu barədə RTL telekanalı məlumat yayıb.
"Boeing 757-300"ün göyərtəsində 263 sərnişin və səkkiz ekipaj üzvü olub. Hava limanından havaya qalxdıqdan dərhal sonra mühərriklərdən biri yanıb. Pilotlar İtaliyanın Brindizi şəhərində təcili eniş etmək qərarına gəliblər. Təyyarə təhlükəsiz şəkildə İtaliyaya eniş edib.
Aviaşirkətin məlumatına görə, yanğına səbəb mühərrikə havanın verilməsində nasazlıq olub.
Şəhərin otellərində kifayət qədər pulsuz yer olmadığından sərnişinlərin çoxu Brindisi hava limanında gecələmək məcburiyyətində qalıb. Aviaşirkət təcili olaraq İtaliyaya sərnişinləri Düsseldorfa aparmalı olan təyyarə göndərib.