Yemək yeyərkən udmaqda çətinlik çəkirsinizsə, diqqətli olun! Udmaqda çətinlik çəkmə, yemək yeyərkən boğazda tıxanmış yemək hissi və yeməkdən sonra öskürək tutmaları boyun və boğazda problemlərə işarə edə bilər, sinə ağrısı və yeməkdən sonra sinədə yemək qalma hissi yemək borusu ilə bağlı problemləri göstərə bilər.
Ucnoqta.az xəbər verir ki, Fırat Universitetinin Qastroenterologiya kafedrasının doktoru Abdullah Mübin Özercan udma çətinliyi ilə bağlı məlumat verib.
Doktor Özercan qidanın ağızdan mədəyə keçməsində hər hansı bir pozulma səbəbiylə udma çətinliyinin yarana biləcəyini deyir. Təxminən beş nəfərdən birində müşahidə olunan udma çətinliyi yaşlı insanlarda daha çox rast gəlinir.
Xəstələrdə boyun və boğazda əzələ və sinir sistemlərinin pozğunluqları və ya yemək borusunun pozulması səbəbindən udma çətinliyi yarana bilər.
Xəstənin şikayətlərinin hərtərəfli qiymətləndirilməsi bu fərqi müəyyən etmək üçün çox vacibdir.
Yemək və ya içdikdən sonra udma qabiliyyətinin olmaması, boğazda ilişib qalma hissi və öskürək tutmaları ümumiyyətlə boyun və ya boğazda problemlər, sinə ağrısı, sinədə ilişib qalma hissi və həzm olunmamış qidaların yenidən ağıza qayıtması yemək borusu ilə bağlı problemlərdən xəbər verir. Özofagusun səbəb olduğu udma çətinliyi olan şəxslərdə ilk addım hər hansı bir stenozu yoxlamaq üçün endoskopik müayinədən keçməlidir.
Əgər darlıq yoxdursa, yüksək rezolyusiyaya malik manometriya ilə qida borusunun büzülmə şəklini müəyyən etmək vacibdir.