ABŞ və İran arasında nüvə gərginliyi yenidən artıb. İran uranın zənginləşdirilməsindən əl çəkməyəcəyini açıqlasa da, Donald Tramp yenidən zərbə endirməklə hədələyib. İran bəyan edib ki, fəaliyyəti ilə bağlı Beynəlxalq Atom Enerjisi Agentliyinə məlumat verilib.
Ucnoqta.az Türkiyə mətbuatına istinadən xəbər verir ki, İsrailin baş naziri Binyamin Netanyahu isə İran xalqının rejimi devirmək istədiyini və sülh şansının olmadığını müdafiə edib. Xarici siyasət analitiki Erhan Yıldırım prosesin əsas məqsədinin rejim dəyişikliyi olduğunu və İsrailin bu məqsədə çatmaq üçün ABŞ və Avropanı fəal şəkildə lobbiçilik etdiyini bildirib.
ABŞ və İran arasında nüvə gərginliyi yenidən artıb.
İran uranın zənginləşdirilməsi fəaliyyətindən əl çəkməyəcəyini açıqlasa da, ABŞ prezidenti Donald Tramp yenidən təhdid dolu bəyanatlar verib. Tramp növbəti dəfə İrana qarşı “zərbə” ifadəsini işlədib.
İran xarici işlər nazirinin müavini Abbas Ərakçi, "Zərər ciddi və ağır olduğu üçün uranın zənginləşdirilməsi hazırda dayanıb. Lakin bu fəaliyyətlərdən tamamilə imtina etməmişik" deyib. İsrailin baş naziri Binyamin Netanyahu isə İrandakı mövcud rejimlə sülhün mümkün olmadığını müdafiə edib.
“İran xalqı rejimi devirmək istəyir” deyən Netanyahu amerikalılara müraciət edərək, “İsraili dəstəkləməyən amerikalılar əslində ABŞ-ı dəstəkləmirlər” dedi.
“Məqsəd güc nümayişi deyil, rejimin dəyişdirilməsidir”
Xarici siyasət analitiki Erhan Yıldırım prosesi bu sözlərlə qiymətləndirib:
"Tramp əslində həm İrana, həm də İsrailə açıq hədəflər təqdim edərək tarazlığı saxlamağa çalışdı. Lakin sonradan o, hər iki tərəfi sərt ifadələrlə tənqid etdi. Biz ilk dəfədir ki, Trampın belə sərt ifadəsinin şahidi oluruq".
Yıldırım, İranın nüvə fəaliyyətlərinin gizli olmadığını vurğulayaraq, "Uran zənginləşdirmə prosesi Beynəlxalq Atom Enerjisi Agentliyinə bildirildi. Hücumdan əvvəl həm İsrailə, həm də İrandakı bütün rəsmilərə sənədləşdirildi və açıqlandı" dedi.