Türkiyə prezidenti Rəcəb Tayyib Ərdoğan müxalif Cümhuriyyət Xalq Partiyasının (CHP) lideri Özgür Özeli təhqir etməkdə ittiham edərək, 500 min lirə (təxminən 12 min 500 dollar) mənəvi təzminat tələb edib.
Ucnoqta.az xəbər verir ki, bu barədə Türkiyə liderinin vəkili Hüseyn Aydın X-də yazıb.
“CHP sədri Özgür Özəl tərəfindən iyulun 5-də prezidentimizə qarşı səsləndirdiyi əsassız ittihamlar, təhqiramiz ifadələr və təhdidlərə görə Ankara Mülki Asliye Məhkəməsində 500 min lirə mənəvi təzminat iddiası qaldırılıb.
Bundan başqa, Türkiyə Cinayət Məcəlləsinin 310/2-ci maddəsinə əsasən, Respublika Prezidentini təhqir etmək və hədələmək ittihamı ilə Ankara Baş Prokurorluğuna şikayət edilib”, – vəkil qeyd edib.
İyulun 5-də CHP İcraiyyə Komitəsinin iclasından sonra mətbuat konfransında danışan Özəl Ərdoğanı eyni gündə Antalya, Adana, Adıyaman və Manavqat bələdiyyə sədrlərinin korrupsiya işlərində saxlanması ilə bağlı avtoritarizmdə ittiham edib.
O, həmçinin noyabrda növbədənkənar prezident seçkilərinin keçirilməsini tələb edib və bu seçkilərdə onun sözlərinə görə, hazırkı hökumət məğlub olacaq.