İran öz milli maraqlarını qorumaq üçün “ABŞ-ın hərbi təcavüzünə bütün gücü ilə müqavimət göstərmək” hüququnu özündə saxlayır.
Ucnoqta.az xəbər verir ki, bu barədə İslam Respublikası Xarici İşlər Nazirliyinin ABŞ-ın Fordo, Natanz və İsfahandakı nüvə obyektlərinə hücumundan sonra yaydığı bəyanatda deyilir.
"XİN ABŞ-ın İranın dinc nüvə obyektlərinə qarşı amansız hərbi təcavüzünü qəti şəkildə pisləyir. İslam Respublikası ABŞ-ın hərbi təcavüzünə bütün gücü ilə müqavimət göstərmək, həmçinin öz təhlükəsizliyini və milli maraqlarını təmin etmək hüququnu özündə saxlayır", - bəyanatda deyilir.
İran Xarici İşlər Nazirliyi qeyd edib ki, İranın Fordo, Natanz və İsfahandakı nüvə obyektlərinə hücum nüvə silahlarının yayılmaması rejiminə dəhşətli zərbədir.