Martın 28-də Çində Xiaomi tərəfindən istehsal edilən ilk elektrik avtomobilinin satışına başlanacaq.
Ucnoqta.az xəbər verir ki, Reuters bu barədə şirkətin təsisçisi və baş direktoru Lei Junun Sina Weibo sosial şəbəkəsində yazdığı mesaja istinadən yazıb.
Çinli smartfon istehsalçısı "Speed Ultra 7" (SU7) ilə rəqabətli elektrikli avtomobil bazarına daxil olur. Avtomobil vizual olaraq "Tesla Model 3" və "Porsche Panamera" modellərinə bənzəyir. Dizayn bəzi "BMW" və "Rolls-Royce" modelləri ilə tanınan rəssam Chris Bangle tərəfindən yaradılmışdır. Alıcılar üç ban rəngi təqdim olunacaq: mavi, boz və yaşıl.
Dekabrda sedanın təqdimat mərasimində Ley Jun bildirib ki, "Xiaomi" dünyanın ən böyük beş avtomobil istehsalçısına daxil olmağı planlaşdırır. Şirkət ilk dəfə olaraq 2021-ci ildə əsas biznesindən kənara çıxmaq və yeni istiqaməti inkişaf etdirmək haqqında danışmağa başlayıb. Səbəblər arasında smartfonlara tələbin durğunluğu da var.