Məşhur müğənni Beyonsun Texas ştatının Rouzdeyl küçəsindəki uşaqlıq evi Milad günü alovlanıb.
Ucnoqta.az xəbər verir ki, bu barədə Daily Mail yazıb.
Yanğının səbəbi hələ müəyyən edilməyib. Məlumata görə, ikimərtəbəli ev gecə saat iki radələrində yanmağa başlayıb. Ən çox maddi ziyan yanğınsöndürənlər gələnə qədər yanan ikinci mərtəbədə baş verib.
Maraqlıdır ki, ulduzun ailəsi bir neçə onilliklər əvvəl oradan köçüb. O vaxtdan bəri mülkün bir çox sahibi var. İndiki sakinlər iki azyaşlı uşağı olan cütlükdür.
Yeri gəlmişkən, Beyonce yalnız həyatının ilk beş ilini evdə yaşasa da, davamlı olaraq ora ekskursiyalar aparılırdı.