Beynəlxalq Qızıl Xaç Komitəsi (BQXK) hazırda Qarabağda fəaliyyətini davam etdirir.
APA xəbər verir ki, bunu BQXK-nın Bakı nümayəndəliyinin ictimaiyyətlə əlaqələr şöbəsinin rəhbəri İlahə Hüseynova deyib.
Onun sözlərinə görə, BQXK əməkdaşları Xankəndi və ətraf ərazilərdə fəaliyyətini davam etdirir: "Bizim orada olan əməkdaşlarımız ev-ev gəzir. Çünki biz ailələrin qovuşması yönündə işlər görürük. Ehtiyacı olan insanları evakuasiya edirik. Bu həm ailə qovuşması səbəbindən ola bilər, həm də tibbi səbəbdən. Ehtiyacı olan insanların təminatına köməklik edirik".