UEFA Avropa Liqasının pley-off mərhələsinin ilk oyununda Sloveniyanın “Olimpiya” və Azərbaycanın “Qarabağ” komandaları qarşılaşıb.
Ucnoqta.az xəbər verir ki, matç Azərbaycan təmsilçisinin 0:2 qələbəsi ilə başa çatıb. Hesabı ilk hissədə Kevin Medina açıb. Oyunun 44-cü dəqiqəsində isə Leandro Andrade hesabı 0:2-yə çatdırıb. Oyun bu hesabla da başa çatıb.
Komandalar arasında cavab qarşılaşması bir həftə sonra Bakıda Tofiq Bəhramov adına Respublika stadionda keçiriləcək.
24 avqust
22:00. "Olimpiya" (Sloveniya) - "Qarabağ" - 0:2
Qollar: Kevin Medina, 33 (0:1), Leandro Andrade, 44 (0:2)
Qırmızı vərəqə: David Sualehe, 90+5 ("Olimpiya")
Baş hakim: Georgi Nikolov Kabakov (Bolqarıstan)
"Stozice" stadionu, Lyublyana