Evimizdə hər gün istifadə etdiyimiz bir çox kosmetik və təmizləyici məhsullar əslində səhhətimiz üçün təhlükəli ola bilər.
Ucnoqta.az “Qafqazinfo”ya istinadən evdə saxlamamalı olduğumuz məhsulların adlarını açıqlayır. Həmin məhsullar bir çox xəstəliklərə səbəb ola bilər.
Ayaqqabı boyası
Dəri ilə təmasda olduqda zərərli təsir göstərir. Sprey boyalar yerinə süngər boyalara üstünlük vermək daha yaxşı olar.
Saç geli
Dəridə səpgilərə, dəri altında kapilyar qanaxmaya səbəb olur. Ona görə də tərkibində ammonyak olmayan məhsullardan istifadə edilməsi məsləhət görülür.
Saç spreyi
Ağciyər və böyrək xəstəliklərinə səbəb olur.
Maşın yağı
Qapıları yağlamaq üçün istifadə edilən bu yağlar tez alışan və zəhərlidir. Mineral yağlardan istifadə edilməlidir. Qıfıllar üçün quru toz qrafit də istifadə edilə bilər.
Dırnaq boyası və aseton
Yandırıcı, zəhərli və dəri üçün qıcıqlandırıcıdır. Hamilə qadınlar istifadə etməməlidir.
Ağardıcı
Digər təmizləyici maddələrlə qarışdırıldıqda oksid qazı əmələ gəlir. Gözləri və dərini qıcıqlandırır. Əlcəksiz istifadə edilməməlidir.
Yuyucu toz
Dərinin və gözün yanmasına və qıcıqlanmasına səbəb olur. Qab-qacaq üçün maye olanlara, camaşırxana üçün sabuna üstünlük verilməlidir.
Soba təmizləyicisi
Dəriyə, gözlərə və daxili orqanlara zərərlidir. Sprey növlərindən istifadə etməyin.
Bağ gübrəsi
Yeraltı sulara zərər verir. Gübrə kimi istifadə etmək üçün otların kəsilmiş hissələrindən yararlana bilərsiniz.
Naftalin
Qaraciyəri qıcıqlandırır. Onu istifadə etməkdən çəkinin. Evdə ən az istifadə olunan otaqda saxlamaq məsləhətdir.
Ev ətri
Ağciyərləri zədələyir. Təravətləndiricilər əvəzinə evi havalandırın.
Yapışqan
Ağciyərləri zədələyir, dəri və gözləri qıcıqlandırır.
Saç boyası
Gözlərdə və ağciyərlərdə qıcıqlanmaya səbəb olur. Udmaq çox təhlükəlidir.