Teledərslərin yayımı müvəqqəti dayandırılır

Martın 19-dan “Mədəniyyət” kanalında yayımlanan “Dərs vaxtı” proqramı müvəqqəti dayandırılır.

Bunu APA-ya açıqlamasında Təhsil Nazirliyinin İctimaiyyətlə əlaqələr sektorunun müdiri Cəsarət Valehov bildirib. Onun sözlərinə görə, teledərslər Novruz bayramı ilə əlaqədar müvəqqəti dayandırılır: “Martın 24-dən etibarən həm Azərbaycan, həm də rus bölməsi üzrə teledərslər yenidən ekranlara çıxacaq. Bundan əlavə, peşə təhsil müəssisələrində təhsilalanlar üçün də teledərslər olacaq”.