ABŞ prezidenti Donald Tramp İrana qarşı hərbi əməliyyatın mahiyyət etibarilə bitdiyini bildirib.
Ucnoqta.az xəbər verir ki, o, bu mövqeyi CBS News-a verdiyi müsahibədə açıqlayıb.
"Düşünürəm ki, müharibə mahiyyət etibarilə bitib. Onların nə donanması, nə rabitəsi, nə də hava qüvvələri qalmayıb", - deyə Tramp CBS News jurnalisti Jiang Weijianın X-də sitat gətirdiyi kimi bildirib.
Trampın sözlərinə görə, əməliyyat qrafikdən əhəmiyyətli dərəcədə irəlidə davam edir.
ABŞ lideri əlavə edib ki, İranın yeni seçilmiş Ali Lideri Müctəba Xameneiyə deyəcək bir sözü yoxdur.
Jurnalistin sözlərinə görə, Tramp İslam Respublikasının yeni liderinin yerinə namizəd seçməyi düşündüyünü iddia edib, lakin heç bir detal verməyib.