Səhər seks təkcə əhvalınızı yaxşılaşdırmır və immunitet sisteminizi gücləndirmir, həm də gəlirinizə təsir edə bilər.
Ucnoqta.az xəbər verir ki, tədqiqatlar göstərir ki, səhər müntəzəm olaraq sekslə məşğul olan insanlar işdə özlərini daha enerjili, özünəinamlı və məhsuldar hiss edirlər. Bu, onlara daha yaxşı performans göstərməyə, vəzifədə yüksəlməyə və hətta daha yüksək maaşlar əldə etməyə kömək edir.
Bu, Rutgers İnstitutunun (ABŞ) alimlərinin gəldiyi nəticədir.
Tədqiqatçılar 18-50 yaş arası 500 cütlük arasında karyeraları və intim həyatları ilə bağlı sorğu keçiriblər. Gözlənilmədən bu iki tamamilə fərqli sahə arasında bir əlaqə tapıblar.
Sorğunun nəticələri səhər seksdən zövq alan cütlüklərin daha yüksək maaş aldığını göstərdi. Onlar həmçinin daha böyük karyera uğurları yaşayıblar.
Alimlər bunun həm kişilərə, həm də qadınlara aid olduğunu deyirlər.
Tədqiqatçılar bu qəribəliyi belə izah edirlər: səhər sekslə məşğul olmaq sizə enerji və pozitivlik verir. Belə bir dalğada hər şey daha yaxşı və asan olur.