Britaniya polisi 19 fevralda 11 saat dindirilən Kral III Çarlzın kiçik qardaşı Endryu Mauntbatten-Vindzorun keçmiş evində axtarışları davam etdirir.
Ucnoqta.az xəbər verir ki, bu barədə The Guardian qəzeti məlumat verib.
Qəzetin məlumatına görə, istintaq London yaxınlığındakı Vindzor qəsri ərazisindəki Kral Lojasında davam edir. 66 yaşlı Mauntbatten-Vindzor 2026-cı ilin fevral ayına qədər orada yaşayıb və sonra Norfolkdakı Sandrinqem kral mülkündəki bir evə köçüb.
Hazırkı ünvanında axtarışlar başa çatıb.
Keçmiş şahzadə dünən saxlanılıb və dindirilmək üçün polis nəzarətinə götürülüb. Mauntbatten-Vindzor vəzifə səlahiyyətlərindən sui-istifadə etməkdə şübhəli bilinir.