Braziliyanın keçmiş prezidenti (2019-2022) Jair Bolsonaro planlı qasıq yırtığı əməliyyatından uğurla keçdi.
Ucnoqta.az bildirir ki, bu barədə siyasətçi üzərində əməliyyat aparan cərrah Klaudio Birolini məlumat verib.
Həkim əlavə edib ki, Bolsonaronun fizioterapiya və tromboz profilaktikası da daxil olmaqla reabilitasiya kursu keçəcəyi gözlənilir.
Bu arada, keçmiş prezident hıçqırıqlardan əziyyət çəkir. Həkimlər yaxın günlərdə simptomları aradan qaldırmaq üçün başqa bir prosedura ehtiyac olduğunu müzakirə edirlər.
Bolsonaro Braziliya Ali Federal Məhkəməsinin icazəsi ilə xəstəxanaya yerləşdirilib.
Siyasətçi əvvəllər çevrilişə cəhd etdiyinə görə 27 ildən çox həbs cəzasına məhkum edilmişdi, lakin hakimiyyət orqanları ona əməliyyat keçirmək üçün müvəqqəti olaraq həbsxanadan çıxmağa icazə vermişdi. Bərpa olunduqdan sonra o, cəzasını çəkməyə davam edəcək.