"Lukoil" şirkəti Vaşinqtonun tətbiq etdiyi sanksiyalara baxmayaraq, ABŞ Maliyyə Nazirliyindən şirkətlə müəyyən əməliyyatlara icazə verən lisenziyaların 21 noyabr tarixinə qədər uzadılmasını istəyib.
Ucnoqta.az xəbər verir ki, bu barədə Reuters mənbələrə istinadən məlumat yayıb.
Oktyabr ayında ABŞ Maliyyə Nazirliyi Rosneft və "Lukoil" şirkətlərinə qarşı məhdudiyyətlər elan edib.
Eyni zamanda, bir neçə ümumi lisenziya dərc edib. Bu sənədlərə əsasən, borc öhdəliklərinin və ya aktivlərinin satışı və ya köçürülməsi ilə bağlı əməliyyatları dayandırmaq üçün şirkətlər və onların nəzarətində olan qurumlarla, eləcə də Rusiya xaricindəki Lukoil obyektlərində mal və xidmətlərin alınmasına yönəlmiş əməliyyatlara 21 noyabr tarixinə qədər icazə verilir.
Agentliyin məlumatına görə, "Lukoil" mövcud öhdəliklərini yerinə yetirmək və aktivlərinin satışı ilə bağlı təklifləri nəzərdən keçirmək üçün daha çox vaxta ehtiyacı olduğu üçün bu tələbi Maliyyə Nazirliyinə təqdim edib.