Volqoqrad Ukrayna Silahlı Qüvvələrinin pilotsuz uçuş aparatları (PUA) tərəfindən beş saatdan çox davam edən intensiv hücuma məruz qalıb. Sakinlər şəhər üzərində 40-dan çox partlayış olduğunu bildiriblər.
Ucnoqta.az bildirir ki, bu barədə SHOT Telegram kanalı xəbər verir.
Yerli sakinlər səmada gurultu və parlaq partlayışlar olduğunu, güclü partlayışlar isə mənzillərdə divarların və pəncərələrin titrəməsinə səbəb olduğunu bildirirlər.
Həmçinin, "Lukoil" neft emalı zavodunun ərazisində də partlayışlar eşidilib.
Hücum iki istiqamətdən həyata keçirilib: ən çox partlayış səsi şəhərin qərb və şimal hissələrində eşidilir. Şahidlərin sözlərinə görə, PUA-lar Volqa çayından aşağı hündürlükdə uçub.