ABŞ bəzi potensial regional münaqişələrə cavab vermək üçün nüvə variantları hazırlamalıdır.
Ucnoqta.az xəbər verir ki, bu açıqlamanı ABŞ Prezidenti Donald Tramp tərəfindən Müdafiə Nazirinin Nüvə Təhlükəsizliyi, Kimyəvi və Bioloji Müdafiə Siyasəti və Proqramları üzrə köməkçisi vəzifəsinə namizəd göstərilən Robert Kadlek verib.
"Bununla belə, mən həmçinin inanıram ki, ABŞ-nin potensial münaqişəyə cavab vermək üçün strateji səviyyədən aşağı etibarlı nüvə variantlarına sahib olması lazımdır", - deyə Kadlek ABŞ qanunvericilərinin suallarına yazılı cavablarında bildirib.
Müdafiə Nazirinin köməkçisi vəzifəsinə namizədin sözlərinə görə, həm Çin, həm də Rusiya "ABŞ qüvvələrini, müttəfiqlərini və Avropa və Asiyadakı digər həyati maraqlarını təhdid edən taktiki nüvə silahlarının yüksək effektiv arsenallarını yerləşdirib. Kadlekin sözlərinə görə, Amerikanın bu sahədəki potensialı Soyuq Müharibənin sonundan bəri azalıb.