Liviya aviaşirkətlərinin İtaliyaya uçuşlarına qoyulan qadağa aradan qaldırıldıqdan sonra 10 ildə ilk dəfə Tripoli-Roma reysi ilə uçan sərnişin təyyarəsi yola düşüb.
Ucnoqta.az xəbər verir ki, bu barədə Liviyanın paytaxtında yerləşən Mitiqa hava limanının administrasiyası məlumat yayıb.
Məlumata görə, Tripoli-Roma marşrutu üzrə uçuşlar həftədə iki dəfə - çərşənbə və şənbə günləri yerinə yetiriləcək.
Bundan əvvəl uzun fasilədən sonra əks istiqamətdə ilk uçuş iyulun 24-də həyata keçirilib.