Türkiyənin Təkirdağ əyalətinin Çorlu rayonundan səmaya qalxan “Akıncı” pilotsuz uçuş aparatları Gürcüstanı keçərək Bakıya enib.
Ucnoqta.az xəbər verir ki, bu barədə Türkiyənin “Baykar” şirkətinin Tvitter hesabında məlumat yayılıb.
Təxminən 2 min km uçan “Akıncı” təyyarələri üç ölkəni keçərək uğurlu uçuş həyata keçirib.
Festivala qatılmaq üçün mayın 21-i səhər saatlarında Çorludan havaya qalxan Bayraktar AKINCI Türkiyə hava məkanını keçdikdən sonra uçuşunu Gürcüstan üzərində davam etdirib.
Gürcüstandan keçərək Azərbaycan hava məkanına daxil olan AKINCI təxminən 5 saata Bakıya çatıb. Günorta saatlarında yola çıxan ikinci AKINCI da eyni marşrutu izləyib və təxminən 2000 km-lik uçuşu uğurla başa vurub. Uçuşlarını uğurla başa vuran Bayraktar AKINCI TİHA-lar Bakı Heydər Əliyev Beynəlxalq Hava Limanına enərək tarixi səyahətini başa vurub.
#TEKNOFESTAZƏRBAYCAN'da uçacak Bayraktar #AKINCI TİHA'lar Azerbaycan'da!
Çorlu'dan kalkan #AKINCI'lar, Gürcistan'ı geçerek Bakü'ye indi.