ABŞ-da turistlərin olduğu avtobus qəzaya uğrayıb. Ucnoqta.az xəbər verir ki, hadisə Arizona ştatının şimal-qərbində qeydə alınıb. Bu barədə “Associated Press” agentliyi məlumat yayıb.
Agentliyin məlumatına görə, Qərbi Qrand-Kanyonuna ekskursiyaya gedən turistləri aparan, ümumilikdə içərisində 48 nəfərin olduğu avtobus, hələlik müəyyən olunmayan səbəblərdən sürücünün idarəetməsindən çıxaraq yolun hərəkət hissəsinə aşıb.
Qəza nəticəsində 1 nəfər ölüb, 42 nəfər xəsarət alıb.
Bildirilir ki, onlardan ikisinin vəziyyəti ağır, yeddisinin orta ağır, 33 nəfərin isə yüngüldür.
Hadisənin baş vermə səbəbləri araşdırılır.
Namiq Musayev
