ABŞ-ın Florida ştatında katerin partlaması nəticəsində azı 13 nəfər yanıq xəsarətləri alıb. Ucnoqta.az xəbər verir ki, hadisə Fort-Loderdey şəhərində baş verib. Bu barədə “WPLG Local 10” telekanalına yanğınsöndürmə xidmətinin tabor komandiri Stiven Holland məlumat verib.
Hollandın sözlərinə görə, partlayış zamanı katerin göyərtəsində 21 nəfər olub. Yaralılardan 5-i xəstəxanaya çatdırılıb. Bir çoxları isə tibbi yardım almaqdan imtina ediblər.
Hazırda hadisənin baş vermə səbəbləri araşdırılır.
Namiq Musayev
