Tovuzda "VAZ-21011" markalı avtomobillə "KaMAZ" markalı yük maşınının toqquşması nəticəsində ölən və xəsarət alanların şəxsiyyətləri məlum olub.
"Report"un Qərb Mərkəzinin məlumatına görə, Məşədilər kəndində qeydə alınan hadisə nəticəsində Tovuz rayon sakini, 1974-cü il təvəllüdlü Haqverdi Qurban oğlu Həsənov ölüb, onun oğlu, 2005-ci il təvəllüdlü Murad Haqverdi oğlu Həsənov isə xəsarət alıb.
Faktla bağlı araşdırma aparılır.
18:44
Ölən və xəsarət alan var
Tovuzda "VAZ-21011" markalı avtomobillə "KaMAZ" markalı yük maşını toqquşub. "Report"un məlumatına görə, hadisə Məşədilər kəndində qeydə alınıb.
Qəza nəticəsində 1 nəfər aldığı ağır xəsarətlərdən hadisə yerində ölüb. Daha 1 nəfər isə ağır xəsarət alaraq xəstəxanaya aparılıb.
Ölən şəxsin yaralının atası olduğu bildirilir. Onların ad və soyadları dəqiqləşdirilir.
Hadisə yerinə Dövlət Yol Polisi əməkdaşları cəlb olunub.
Faktla bağlı araşdırma aparılır.