İranda koronavirusdan ölənlərin sayı artdı
15:12 - 15 İyun 2020 - DÜNYA
İranda koronavirusa yoluxanların sayı yenə artıb.
“Report” IRNA-ya istinadən xəbər verir ki, bunu ölkənin Səhiyyə Nazirliyi açıqlayıb.
Açıqlamada ölkədə daha 2 449 nəfərdə koronavirusun aşkarlandığı bildirilib. Bununla da İranda yoluxma faktlarının sayı 189 876-ya çatıb.
Məlumata görə, ölkədə koronavirusdan ölənlərin sayı daha 113 nəfər artaraq 8 950 nəfərə yüksəlib.
2 765 pasiyentin vəziyyətinin ağır olduğunu vurğulanıb.
Bundan başqa, indiyədək 150 590 nəfər sağalaraq xəstəxanadan evə buraxılıb.
Qeyd edək ki, İranda iyunun 14-də 107, iyunun 13-də 71 nəfərin öldüyü açıqlanmışdı.