Ermənistanda daha 2 nəfər koronavirusdan ölüb.
“Report” xəbər verir ki, bunu ölkənin Operativ Qərargahı açıqlayıb. Məlumata görə, ölkədə virusdan ölənlərin sayı 22-yə yüksəlib.
Bundan başqa, yoluxanların sayı daha 48 nəfər artaraq 1 339-a çatıb. Bildirilib ki, indiyədək 580 nəfər virusdan sağalıb.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.