Şirvan şəhərində yeni doğulmuş körpə ölüb.
Hadisə ötən gün Şirvan şəhər Mərkəzi Xəstəxanasında baş verib. 1998-ci il təvəllüdlü Şirvan şəhər sakini Gültən Kərimli fevralın 6-sı doğum sancıları şikayəti ilə Şirvan şəhər Mərkəzi Xəstəxanasına müraciət edib.
Doğum evində qadına "doğuşun birinci dövrü, baş gəlişi ilk hamiləlik" diaqnozu qoyulub. Həmin gün saat 23:30 radələrində 3 kq 700 qr çəkidə qız uşağı ölü doğulub.
Hadisə ilə bağlı Şirvan doğum evinin mama-ginekoloqu Nəcəfova İlahə Əsgər qızının izahatı alınıb. O izahatında doğum zamanı göbək ciyəsinin uşağın boynuna dolanmış vəziyyətdə olması səbəbindən ölü doğulduğunu bildirib.
Yeni doğulmuş körpənin meyiti daxili və xarici müayinəyə göndərilib.
Faktla bağlı araşdırma başlanılıb./trend