Bakının Üzeyir Hacıbəyov və Puşkin küçələrindəki piyada keçidlərinin əlavə işıq effektlərindən istifadə olunmaqla işıqlandırılmasına başlanılıb.
Bu barədə Bakı Nəqliyyat Agentliyi (BNA) məlumat yayıb.
Məlumata görə, bununla da həm günün qaranlıq saatlarında, həm də görüntünün məhdud olduğu pis hava şəraitində yol nişanlamalarının daha görünən olması asanlaşacaq. Yeniliyin tətbiqi ilə piyadaların təhlükəsiz, fasiləsiz, rahat hərəkətini daha yaxşı təmin etmək mümkün olacaq. Bu yenilik gələcəkdə digər yollarda xüsusən, ətraf kənd və qəsəbələrdəki yollarda da tətbiq ediləcək./report