Niderlandın paytaxtı Amsterdamda yanvarın 1-indən etibarən turistlər üçün yeni vergi tətbiq edilib.
“Report” "The Telegraph"a istinadən xəbər verir ki, şəhərdə turistlər üçün bir gecə qalmaq 3 avroya başa gələcək. Sözügedən məbləğ cari turist vergisinə əlavə olaraq otaq qiymətinin 7%-dən tutulacaq. Bununla yanaşı, ev alqı-satqısı, istirahət mərkəzilərinin bronlaşdırılması üzrə ixtisaslaşan sayt “Airbnb”da yaxşı yerlərini bronlaşdıranlar gecəyə 10% ödəməli olacaqlar.
Xatırladaq ki, Amsterdamda 1,1 mln. insan yaşayır. Həmçinin, hər il şəhərə 17 mln. insan gəlir. Hökumət turist axınını nəzarətdə saxlamaq istəyini ifadə edib.