Udqunan zamanı olan boğaz ağrısı ilə əksəriyyətimiz tanışıq. Çox vaxt bu simptom bizi soyuqluqlama zamanı müşayiət edir. Biz cızılma, yanma, qıcıqlanma, göynəmə, "yad cisim" hissiyatını hiss edirik.
Boğaz ağrısının səbəbləri
Çox vaxt boğaz ağrısı, burun-udlaq və qırtlağın iltihabi xəstəliklərinə (faringit, laringit, tonzillit və ya angina) səbəb olan virus, bakterial və ya göbələk infeksiyasının əlamətləridir. Boğazın bakteriya və viruslarla yoluxmasına səbəb olan amillər bunlar ola bilər: soyuqlama, quru hava, tənəffüs yollarının qıcıqlandıran maddələrin təsirinə məruz qalması, soyuq içkilərin istifadəsi, travmalar (məsələn, boğazın balıq sümüyü ilə zədələnməsi), bədənin ümumi müqavimətinin azalması (xroniki xəstəliklər, stress zamanı). Həmçinin, boğaz ağrısı digər səbəblərdən də meydana çıxa bilər: allergiya (çiçəklərin tozcuğu, toz, kif, ev heyvanlarının kəpəklərinə), həddindən artıq quru, qapalı havaya spesifik reaksiya, müxtəlif qıcıqlandırıcılar, həzm pozğunluqları və s.
Boğaz ağrısını profilaktikası
Boğaz ağrısına səbəb ola biləcək xəstəliklərin, o cümlədən udma zamanı xəstəliklərin qarşısının alınması daxildir: spirtli içki və siqaretdən imtina etmək, soyuqdan uzaq olmaq, ümumi immuniteti gücləndirmək, şəxsi və ümumi gigiyena qaydalarına əməl etmək, boğaz ağrısına səbəb ola biləcək digər xəstəliklərin müalicəsini etdirmək (sinusit, karies, otit).
Boğaz ağrısının müalicəsi üsulları
Xəstəlik zamanı ədviyyatlardan qaçın - boğazı qıcıqlandırırlar. Yediyiniz hər bir şey ilıq olmalıdır - soyuq və ya çox isti temperatur zədələnmiş selikli qişanı qıcıqlandırır. Vaxtında başlanan ağız yaxalamaları xəstəliyin daha da ağırlaşmasına mane ola bilər. Müalicəvi sorma həblərdən istifadə edin. Sorma və çeynəmə zamanı çox miqdarda tüpürcək ifraz olunur ki, bu da antiseptik və müalicəvi xüsusiyyətlərə malikdir.