Şəki sakini Qaxda göldə boğulub
00:27 - 29 Sentyabr 2019 - HADİSƏ
Bu gün axşam saatlarında Qax rayonu Lələli kəndinin inzibati ərazisində sünü göldə kişi meyiti tapılıb.
APA-nın məlumatına görə, aparılan araşdırma zamanı suda boğulan şəxsin Şəki rayon sakini 32 yaşlı Asiman Ağəli oğlu Məmmədovun olduğu məlum olub.
Meyit müayinə edilmək üçün Səhiyyə Nazirliyinin Məhkəmə-Tibbi Ekspertiza və
Patoloji Anatomiya Birliyinin Qax rayon şöbəsinə təhvil verilib.
Faktla bağlı Qax Rayon Prokurorluğunda araşdırma aparılır.