Elxan Məmmədov: "Finalda boş qalmış yerlərin çoxu "Ayntraxt" fanatlarına məxsus idi"

"Biz "Arsenal" və "Çelsi"nin Bakıya təkcə Londondan gələn fanatlarının deyil, digər ölkələrdən də gələn əcnəbi turistlərin sayını çox müsbət qiymətləndiririk. Boş yerlərin çoxu frankfurtlu azarkeşlərə məxsus idi. Onlar biletləri çoxdan almışdılar. Amma "Ayntraxt" finala yüksələ bilmədi. Biz onların həmin biletləri sata bilməmələrindən o qədər də məyus deyilik". "Report" xəbər verir ki, bunu AFFA-nın baş katibi Elxan Məmmədov Bakı Olimpiya Stadionunda keçirilmiş Avropa Liqasının final matçı barədə danışarkən deyib. E.Məmmədovun fikrincə, Almaniya klubunun azarkeşləri həmin biletləri özlərində saxlamağı və ya sadəcə, onları UEFA-ya qaytarmamağı qərara alıblar. O, final oyununda 30 min əcnəbi və 22 min yerli tamaşaçının olduğunu bildirib: "Şəhərdə əsl bayram idi. Bu, oyunöncəsi London küçələrini xatırladırdı. "Arsenal" və "Çelsi"nin yaxşı fanat publikası var idi. Oyunöncəsi əyləncələr də yaxşı təşkil olunmuşdu. Stadionda gözəl proqram hazırlanmışdı. Açılış mərasimi çox yaxşı keçdi. Deməzdim ki, bundan artıq nə isə etmək olar. Amma gecənin ab-havasını daha da yüksəltmək üzərində düşünəcəyik". AFFA rəsmisi tənqidlərə baxmayaraq, Bakının özünü yaxşı tərəfdən göstərməsinə sevindiyini vurğulayıb. E.Məmmədovun fikrincə, bu, 2020-ci ildə Bakı Olimpiya Stadionunda keçiriləcək Avropa çempionatının qrup mərhələsinin 3, 1/4 finalın isə 1 oyunu öncəsi yaxşı sınaq idi: "Biz bütün nəqliyyatı və təşkilati işləri sınaqdan çıxardıq. Bununla bağlı analizlər aparacağıq. Amma təşkilatçılığa dair mənfi hesabat olmayıb. Bu, böyük hadisə, Bakının nələrə qadir olmasının yaxşı göstəricisi idi". Qeyd edək ki, Avropa Liqasının final matçında "Çelsi" "Arsenal"a böyük hesabla qalib gəlib - 4:1.

Tarix
31 May 2019 [11:52]
Müəllif
Üç nöqtə
Digər xəbərlər
2019-05-31 11:52:27
Xəbər xətti
Foto
Video
Çox oxunanlar
Sorğu
Yayda istirahətə harada üstünlük verirsiz?
 Azərbaycanda
 Xarici ölkədə
 İstirahət etmirəm
KİV
Virtual Qarabağ

Ən son xəbərləri səhifəmizdən də izləyin