Nardaranda DƏHŞƏT! Oğul 77 yaşlı anasını öldürüb meyitini yandırdı

11:03 - 20 May 2019 - Xəbər

Bakıda dəhşətli qətl hadisəsi baş verib.

Ucnoqta.az Trend-ə istinadən məlumatına görə, hadisə paytaxtın Sabunçu rayonunda qeydə alınıb. Rayonun Nardaran qəsəbəsi, Bağ massivi, ev 242-də yaşayan Bağırov Tahir Cəfər oğlu yaşadığı evdə anası, 1942-ci il təvəllüdlü Bağırova Rübabə Cəbrayıl qızı ilə şəxsi münasibətlər zəminində mübahisə edib.

Mübahisə nəticəsində T.Bağırov anasını boğaraq öldürüb.

Qadının öldüyünə əmin olan oğul anasının meyitinin üzərinə ağ neft tökərək yandırıb.

Faktla bağlı Sabunçu Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb.

Xəbər xətti