Böyük Britaniyanın Baş naziri Tereza Mey ölkəsinin Avropa İttifaqı (Aİ) üzvlüyündən çıxmasının vaxtını daha gec müddətə dəyişməyi xahiş etsə, Aİ "Brexit"in qiymətini qaldıra bilər.
“Report” “Daily Telegraph”a istinadən xəbər verir ki, Aİ "Brexit"i təxirə salmağın qiymətini 39 milyard funtadək (45 milyard avrodan çox) qaldırmaq niyyətindədir. Həmçinin rəsmi London ləng tərpənsə, hüquqi və maliyyə öhdəliklərinin icrası daha sərt tərzdə tələb olunacaq.
Xatırladaq ki, "Brexit"ə dair Böyük Britaniya parlamentindəki səsvermə martın 12-nə təyin edilib.