Bu gün Milli Məclisin növbəti plenar iclası keçiriləcək. İclasda Milli Məclisin Gənclər və idman komitəsinin tərkibində dəyişikliklər edilməsi haqqında məsələyə baxılacaq. Daha sonra Əmək Məcəlləsinə, Cəzaların İcrası Məcəlləsinə, İnzibati Xətalar Məcəlləsinə, Cinayət Məcəlləsinə, "Əmanətlərin tam sığortalanması haqqında", "Azərbaycan Respublikasında dövlət dili haqqında", "Reklam haqqında", "Hərbi vəzifə və hərbi xidmət haqqında" və bir sıra digər qanunlara əlavə və dəyişikliklər müzakirə ediləcək. Ümumilikdə iclasın gündəliyinə 27 məsələyə daxilir.