Ana səhifə
15 Noyabr 2018

DİN-dən silah almaq istəsəm də vermədilər - Deputat

Ucnoqta.az xəbər verir ki, ölkədə hər gün olmasa da, vaxtaşırı silahlı insidentlər baş verir. Bəziləri bu insidentləri nəzərə alıb, özünümüfadiə məqsədilə silah gəzdirməyi arzulayır. Bu niyyətə düşənlər arasında sözsüz ki, deputatlarda olmamış deyil. Həm də qanun onlara silah gəzdirməyə izacə də verir. Belədə marqlıdır, Milli Məclis deputatlarının silahdan istifadə etməsi indi necə tənzimlənir? Onlar öz təhlüksəizliklərini necə təmin edirlər? Ümumiyyətlə, deputatlar arasında təhlükəsizliklərini təmin etmək üçün silah əldə edən varmı?

Vaxtilə bəzi deputatlar silah gəzdirmək hüququndan istifadə ediblər. Məsələn, Klassik Xalq Cəbhəsi Partiyasının sədri Mirmahmud Mirəlioğlu deputat olduğu zaman silah gəzdirib. Ancaq o, Milli Məclisin Nizamnaməsinə görə, parlamentin binasına girərkən silahını mühafizə xidmətinə təhvil verib, sonra zala keçə bilərdi.

Daxili İşlər Nazirliyinin mətbuat xidmətinin rəis müavini Ehsan Zahidov  bildirib ki, son illər ölkədə hökm sürən əmin-amanlıq, sabitlik səbəbindən deputatlar silah əldə etmək üçün nazirliyə müraciət etməyiblər: 

“Hazırda heç bir deputatda nazirlik tərəfindən verilən silah yoxdur. Baxmayaraq ki, qanun onlara silah gəzdirmək hüququ verib, amma deputatlarımız buna ehtiyac duymadıqlarını deyirlər. Hər bir vətəndaşımız kimi, deputatların da təhlükəsizliyi təmin olunur”.


Ümid Partiyasının sədri İqbal Ağazadə silahsız, amma cangüdəni olan deputatlar sırasındadır: “Mənim təhlükəsizlik xidmətim var. Lazımi yerlərə onlarla birlikdə gedirəm. Daxili İşlər Nazirliyindən silah almaq istəsəm də, verməyiblər. Bunu isə heç bir səbəblə əsaslandırmayıblar”.

Ana Vətən Partiyasının sədri Fəzail Ağamalı da vaxtilə silahlı deputatlardan olub: “Bütün Azərbaycan vətəndaşları kimi mənim də təhlükəsizliyimi dövlətim qoruyur. Ölkəmizdə yaranan sabitlik bunu təmin etməkdədir. Vaxtilə bizə silah paylananda adım siyahıda olduğundan mənə də tabel silahı verdilər. Seçki ərəfəsində silahlarımızı təhvil verdik. Daha sonra isə silah almaq üçün müraciət etmədim. Hazırda buna ehtiyac da görmürəm. Ölkənin Daxili İşlər Nazirliyinin, Milli Təhlükəsizlik Nazirlyinin , ümumiyyətlə hüquq-mühafizə orqanlarının yüksək peşəkarlığı və səmərəli fəaliyyəti bu gün Azərbaycanı dünyanın ən sabit ölkələrindən birinə çevirib. Buna görə də silah almağa, təhlükəsizliyimi silah vasitəsilə təmin etməyə ehtiyac görmürəm”.(Modern.az)

 

Tarix
10 Oktyabr 2014 [16:27]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin