Rusiya Federasiyası ötən ildə 200 milyon tondan çox kömür ixrac edərək rekord göstərici əldə edib.
“Report” Rusiya KİV-ə istinadən xəbər verir ki, bunu Rusiyanın energetika nazirinin müavini Anatoli Yanovski beynəlxalq simpoziumdakı çıxışı zamanı bildirib.
Rusiya Federal Gömrük Xidmətinin məlumatına görə, 2017-ci ildə ölkə 181,406 milyon ton kömür ixrac edib ki, bu da əvvəlki ilə nisbətən 9,2 faiz çoxdur.