Gürcüstanda “donuz qripi”nə yoluxmuş iki azərbaycanlı reanimasiya şöbəsinə yerləşdirilib

16:00 - 23 Yanvar 2019 - Xəbər

Gürcüstanın Marneuli rayonunda “donuz qripi” adlandırılan A (H1N1) virusuna yoluxmuş 3 nəfər xəstəxanada müalicə olunur.

Ucnoqta.az “Report”a istinadən xəbər verir ki, onlardan ikisi yerli azərbaycanlıdır. Pasiyentlər Reanimasiya şöbəsinə yerləşdiriliblər. Bir azərbaycanlının vəziyyəti ağır, digərininki isə stabil qiymətləndirilir.

Xatırladaq ki, bu günə qədər Gürcüstanda 19 nəfər “donuz qripi”ndən ölüb. Hazırda qonşu ölkənin xəstəxanalarında 750-yə yaxın insan qrip virusundan müalicə olunur. Ölkədə 100 min nəfər sakinə 251 yoluxma halı düşür. 

Xəbər xətti