Salyan rayonunda ağır yol-nqəliyyat hadisəsi baş verib.
Ucnoqta.az “Report”a istinadən xəbər verir ki, hadisə Ələt-Astara magistral yolunun 67-ci kilometrliyində qeydə alınıb. Belə ki, Lerik rayon sakini, 1992-ci il təvəllüdlü Pərviz Alim oğlu Quliyev idarə etdiyi “Nissan” markalı avtomobillə hərəkətdə olarkən qarşıda gedən yük maşınına çırpılıb. Qəza nəticəsində 1963-cü il təvəllüdlü Diniyev Adil Həmid oğlu hadisə yerində dünyasını dəyişib.
Hadisə zamanı müxtəlif dərəcəli bədən xəsarətləri alan “Nissan”ın sürücüsü və avtomobildə olan sərnişinlər - 1999-cu il təvəllüdlü Dinili Nisə Adil qızı, 1967-ci il təvəllüdlü Quliyeva Zinət Həmid qızı, 1967-ci il təvəllüdlü Fətullayeva Gülnaz Fənhəm qızı Salyan Mərkəzi Rayon Xəstəxanasına çatdırılıblar.
Faktla bağlı araşdırma aparılır.