Ana səhifə
11 Dekabr 2018

Sumqayıt Dövlət Dram Teatrı məktəblilərin görüşünə gəlib

Sumqayıt Dövlət Dram Teatrının kollektivi Sumqayıt məktəblilərinin estetik zövqünün, dünya görüşünün, bədii anlamının formalaşmasına, vətənpərvərlik ruhunda tərbiyə olunmasına, onların Azərbaycan və dünya dramaturgiyası nümunələri ilə tanışlığına böyük önəm verir.

Teatrın mətbuat xidmətindən Ucnoqta.az-a verilən məlumata görə, elə bu məqsədlə məktəblilərin qısa tətil günlərində kiçik və orta yaş təbəqəsini əhatə edən tamaşaçılar üçün hazırlanmış yeni tamaşalar göstərilir. Noyabr ayında kollektiv rus xalq nağılı əsasında "Kim güclü, kim ağıllı?", Qrimm qardaşlarının "İtkin qız"  tamaşalarını balaca dostlarına təqdim edir. "Kim güclü, kim ağıllı" tamaşanın süjet xətti özündə dostluğu, cəsarəti, vətənpərvərliyi ehtiva edir. Teatrın rəhbəri Əməkdar artist Mübariz Həmidovun təşəbbüsü ilə Azərbaycanda ilk dəfə əlaçı, intellektli şagirdlərdən ibarət alternativ bədii şura yaradılıb. Bu da  heç şübhəsiz, uşaq və yeniyetmələrin arzu və istəklərinin nəzərə alınmasında, onları  düşündürən aktual problemlərə uyğun əsərlərin seçilib repertuara daxil edilməsində səmərəli bəhrəsini verəcəkdir.

Onu da qeyd edək ki,  yaxın günlərdə məktəblilərin qış tətili müddətində onlara maraqlı və bayram əhval-ruhiyyəli yeni il proqramının hazırlanmasına start veriəcəkdir. 

 

 

 

Tarix
20 Noyabr 2018 [14:24]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin