Nazirlik: Əlilliyin artım tempi bu il əhəmiyyətli şəkildə azalıb

10:40 - 16 Noyabr 2018 - Cəmiyyət

2018-ci ilin III rübündə əlillik təyin olunanların, həmçinin 18 yaşadək sağlamlıq imkanları məhdud uşaqların (SİMU) sayında bu ilin birinci rübünə nisbətən 61,3 faiz azalma olub. İkinci rüb ilə müqayisədə isə əlillik təyinatında azalma 20 faiz təşkil edib.

Əmək və Əhalinin Sosial Müdafiəsi Nazirliyindən Ucnoqta.az-a verilən məlumata görə, ilkin olaraq I qrup üzrə əlillik təyinatlarında 75,8 faiz, II qrup üzrə 62,3 faiz, III qrup üzrə 51,9 faiz, SİMU üzrə 55 faiz azalma qeydə alınıb.
 

Qrup

2018-ci il

III rüb

2018-ci il

I rübə nisbətən azalma

2018-ci il

II rübə nisbətən

azalma

I qrup

375

75,84%▼

36,87%▼

II qrup

1990

 

62,27%▼

18,38%▼

III qrup

696

51,93%▼

22,49%▼

SİMU

995

55,00%▼

11,71%▼

Cəmi

4056

61,32%▼

19,79%▼

Əlillik təyinatlarına nəzarətin gücləndirilməsi və bu sahənin şəffaflaşdırılması istiqamətində Əmək və Əhalinin Sosial Müdafiəsi Nazirliyi və Səhiyyə Nazirliyi tərəfindən birgə işlər davam etdirilir. Xüsusilə də yanlış əlillik təyinatlarının və əlillik təyinatı üçün əsassız göndərişlərin aşkar olunaraq ləğv edilməsi nəticəsində əlilliyin artım tempi bu il əhəmiyyətli şəkildə azalıb.

Əlilliyi olan şəxslərin reabilitasiya potensialının düzgün qiymətləndirilməsi əsasında onların sağlamlıqlarının bərpasında və cəmiyyətə inteqrasiyasında konkret nəticələrə yönələn fərdi reabilitasiya proqramının tətbiqi də qarşıda duran vəzifələrdəndir.

 

Xəbər xətti