Bu ilin yanvar-sentyabr ayları ərzində Azərbaycan Dövlət Neft Fonduna (ARDNF) Xəzərin Azərbaycan sektorunda yerləşən "Azəri-Çıraq-Günəşli" (AÇG) yataqlar bloku üzrə mənfəət neftinin və “Şahdəniz” qaz-kondensat yatağından hasil edilən kondensatın satışından ümumilikdə 7,401 mlrd. dollar daxil olub.
ARDNF-dən verilən məlumata görə, bu məbləğin 115 mln. dolları “Şahdəniz” qaz-kondensat yatağından hasil edilən kondensatın payına düşüb.
Məlumata görə, 2001-ci ildən bu il oktyabrın 1-dək AÇG yatağı üzrə mənfəət neftinin satışından 135,887 mlrd. dollar gəlir əldə olunub.
Fond 2007-ci ildən “Şahdəniz” yatağı üzrə mənfəət qazının satışından isə 2,506 mlrd. dollar əldə edib.report